Një aksident masiv ka ndodhur mbrëmjen e sotme në kryeqytet, në zonën e njohur si “Vasil Shanto“.
Blutë bëjnë me dije se një 4 automjete janë përplasur me njëra tjetrën, ndërsa si pasojë janë plagosur 5 persona.
“Më datë 23.02.2023, në afërsi të Vasil Shantos, një automjet me drejtues ende të paidentifikuar (larguar nga vendi i aksidentit), ka përplasur automjetet me drejtues shtetasit E. M., A. P., dhe A. M.
Si pasojë e aksidentit janë dëmtuar drejtuesi i automjetit shtetasi E. M., dhe pasagjerët e automjeteve, shtetasit A. S., J. Q., A. P., dhe E. M., të cilët ndodhen në spital, nën kujdesin e mjekëve, jashtë rrezikut për jetën“,– sqaron policia.
Grupi hetimor po punon për sqarimin e rrethanave të aksidentit dhe kapjen e drejtuesit që është larguar.
Video e aksidentit është publikuar nga JOQ.
