Atletico Madrid nuk po kalon përiudhën e saj më të mirë në këtë sezon. Titulli kampion i dy viteve më parë duket shumë larg në raport me performancat aktuale të madrilenëve dhe hipotezat për një largim të mundshëm të “Cholo” Simeones kanë zënë faqet e para të mediave spanjolle.
Fundi i një epoke është konsideruar një largim i mundshëm i Simeones nga Atletico Madrid, por diçka e tillë nuk pritet të ndodhë. Të paktën jo sipas ndihmësit të tij, German Burgos i cili ka qenë krahu i djathtë i “Cholos” prej vitit 2011, përpara se në vitin 2020 të ndanin rrugët.
Megjithatë, Burgos flet me bindje për prestigjiozes “AS” se Simeone nuk do të largohet nga Atletico pavarësisht lajmeve të shumta që janë publikuar në mediat spanjolle. “Ai nuk do të largohet nga Atletico, në asnjë mënyrë. Unë kam ngrënë më shumë me të se sa me familjen time gjatë 8 viteve në Argjentinë dhe 5 në Madrid. Jemi miq dhe e njoh shumë mirë. Ai nuk do të largohet”, u shpreh Burgos për të ardhmen e Simeones në stolin e Atleticos.
