Ambasada amerikane në Londër është vendosur në gjendje alarmi dhe gatishmëri të lartë për sigurinë, pas një pakoje të dyshimtë të gjetur brenda zyrave në kryeqytetin britanik.
Mediat vendase raportojnë se autoritetet po evakuojnë me urgjencë stafin, duke u kërkuar atyre të qëndrojnë larg dritareve.
Fotot e shpërndara në internet nga njerëzit brenda ndërtesës i tregojnë ata të përkulur në dysheme dhe të ulur prapa mureve, si dhe policinë në vendngjarje.
Alarm at the US Embassy in London. They told us to move far from the windows. The situation is ongoing. pic.twitter.com/r4xEZJhSMV
— Aro Korol (@arokorol) February 22, 2023
Një dëshmitar, i cili jeton pranë ambasadës dhe mund ta shohë ndërtesën nga dritarja e tij, tha për MailOnline se ka policë të armatosur dhe qen nuhatës që po patrullojnë zonën.
Në një video të shpërndarë nga MailOnline, një oficer policie mund të shihet duke rrethuar zonën në Nine Elms, Londër.
🔴 #BREAKING
The US Embassy in #London ‘locked down’ due to a ‘suspicious package’. Armed police are at the scene. Staff told to stay far away from the windows#Ukraine #Russia #Moscow #Kyiv #EU #USA #Germany #FRANCE #England#Italy #EuropeanUnion#China #Japan@Sky_Earth_News— Sky.Earth News (@Sky_Earth_News) February 22, 2023
Përdoruesit e mediave sociale në terren thanë se kishte “shumë policë” të pranishëm në zonë, megjithëse ajo që shkaktoi kërcënimin e sigurisë mbetet e paqartë.
Pamjet nga vendi i ngjarjes tregojnë të paktën dy zjarrfikëse dhe automjete policie në zonën përreth ambasadës.
