Një protestë u zhvillua para Prokurorisë së Tiranës këtë të Hënë pas vdekjes së 22-vjeçares keniane, Joy Aoko.
Një grup protestuesish u mblodhën në kërkim të drejtësisë për vajzën, e cila dyshohet se u dhunua barbarisht dhe u hodh nga kati i dytë i banesës ku jetonte në rrugën ‘Pandeli Evangjeli’ në Tiranë.
Protestuesit hodhën bojë në muret e Prokurorisë, ndërsa një pankartë në të cilën shkruhej “Neglizhenca shtetërore e varu Xhoin”, u vendos aty.
“Jemi mbledhur për herë të dytë për rastin e Joy një shtetase keniane qe për fat të keq u nda nga jeta në shkurt të këtij viti, rasti ishte mbajtur i fshehur nga policia dhe nuk janë ndërmarra hapat ligjore për hetimin dhe vënien para drejtësisë për autorin. Kërkojmë hetime transparente dhe ndjekje penale për personat e përfshirë. Për të parën herë duhet të ndërmarrin hapa për të sigurua që jeta në Shqipëri vlen, gratë sot nuk janë të mbrojtura as në shtëpi apo në vendet e punës, dhuna j godet kudo dhe shteti bëhet palë duke mos sigurr mbrojte apo mos vendosur drejtësi. Keni shpresë se do të zbardhet? Nuk është herë e parë që protestojë dhe do ti shkojnë deri në fund”, tha një prej protestuesve.
Kujtojmë se 22-vjeçarja e cila punonte në një kazino, qëndroi për disa kohë në gjendje kome në spitalin e Traumës në Tiranë, e më pas u transferua në Kenia, aty ku edhe ndërroi jetë.
Hetimet për çështjen po i kryen prokuroria e Tiranës, që ende nuk ka një përgjigje për dinamikën apo autorët e ngjarjes.
Në media, janë hedhur akuza se familjarët të ministriave të qeverisë janë të përfshirë në ngjarje.
Nga policia ngjarja nuk u raportua pasi ndodhi, por një reagim zyrtar edhe disa javë më pas, vetëm pas raportimeve në media.
Lexo edhe:
