Trupi i pajetë i futbollistit Christian Atsu, është kthyer në vendlindjen e tij, Ganë.
Avioni u ul në Akra mbrëmjen e së dielës dhe arkivoli i tij u mor nga forcat e armatosura të Ganës.
Atsu u gjet i vdekur të shtunën nën rrënojat e banesës ku jetonte në Turqinë jugore. Ai luante për klubin turk Hatayspor.
Lojtari luajti 65 herë për kombëtaren e Ganës dhe ndihmoi ekipin e tij të arrinte në finalen e Kupës së Kombeve të Afrikës 2015.
31-vjeçari ka luajtur edhe për skuadrat e Premierligës, Everton dhe Newcastle.
Zëvendëspresidenti i Ganës, Mahamudu Bawumia tha në një deklaratë për mediat në aeroportin Kotoka: “Ne po shpresonim, çdo ditë që kalonte, ne luteshim. Por për fat të keq, u gjet i pajetë.”
Bawumia shtoi: “Është një humbje e dhimbshme, shumë e dhimbshme.”
