Aktori i njohur i humorit Tan Ibrahimi rrëmbeu zemrat e publikut me pjesëmarrjen e tij në shtëpinë e famshme të “Big Brother Vip” ku bën batuta të ndryshme.
Aktori ka rrëfyer së fundmi gjatë një bisede me banorët se jeta e tij ndryshoi në vitin 2013, kur prindërit e tij ndërruan jetë në një aksident automobilistik. Vetë aktori ishte me ta në makinë, por ia doli që të shpëtojë, edhe pse i është dashur shumë kohë që të marrë veten.
Kjo ka qenë edhe periudha kur konkurrenti i “Big Brother” luftoi me depresionin. Madje, ashtu si vetë ai ka thënë, familjarët e ruanin që mos të ndërmerrte ndonjë akt ekstrem.
Vështirësitë e tij nuk mbaruana ty, pasi ai pati pengesa edhe në karrierën si aktor humori. Tani provoi audicionet e “Portokallisë” dhe fitoi, por kjo erdhi në momentin më të keq, pikërisht kur humbi të dy prindërit. Megjithatë, ai vendosi të shkojë te “Portokallia”. Nga “Portokalli” u largua nga puna me motivacion se humori i tij nuk ishte në nivelin e shfaqjes.
Më pas u bë pjesë e “AlPazar”, ku qëndroi për 4 vite dhe u largua pas një përplasjeje me Agron Llakajn. Vetë Tani ka bërë me dije se me drejtuesin e shfaqjes pati një konflikt dhe madje nuk është paguar.
