Mëngjesin e sotëm policia ka kapur në zonën e ish-Bllokut, Erik Fullanin, djalin e ish-Guvernatorit të Bankës së Shqipërisë, Ardian Fullani.
29-vjeçari i njohur për jetën e tij të luksit, është ndaluar në zonën e ish-Bllokut pasi ështe pikasur nga shërbimet e policisë së komisariatit Nr.2 në posedim të një arme pistoletë.
Mësohet se Fullani në momentin e ndalimit nga policia e mbante armën në brez dhe ka pretenduar se posedon një leje për ta përdorur atë.
Sipas 29-vjeçarit rezulton se ai është i punësuar pranë një kompanie Security dhe është pajisur me armë.
Fullani është shprehur se leja i mundëson që armën tip “Glock” ta mbajë me vete për shkak të detyrës që ushtron.
Por pavarësisht pretendimeve të shfaqura prej tij, Erik Fullani është shoqëruar në ambientet e komisariatit Nr.2 të policisë për të sqaruar më tej rrethanat në të cilat ai lëvizte i pashqetësuar me një armë në brez, në rrugët e kryeqytetit.
Djali i ish-Guvernatorit të Bankës së Shqipërisë ka qenë shpeshherë kryefjalë e mediave, kryesisht për shkak të jetës së tij luksoze, makinave të shtrenjta që poston në rrjetet sociale dhe videove ku shihet duke shpenzuar shifra marramendëse në klubet e natës.
Për disa kohë ai ishte edhe pronar i një restoranti në zonën e ish-Bllokut.
Fullani hapi në dhjetor të viti 2017 restorantin me emrin “Rixhi’s”, aktiviteti i të cilit zgjati për rreth tre vite, për t’u mbyllur më pas rreth 2020, në kohën e pandemisë Covid19.
Ai është përfolur disa herë edhe për lidhjet e tij të dashurisë me vajza të ndryshme të showbiz-it dhe protagoniste të emisioneve të dashurisë në ekranet shqiptare.
Lexo edhe:
Arrestimi i Erik Fullanit/ Reagon policia: Armën e kishte me leje, punon si bodyguard
