Partia Socialiste nuk di të ndalet. Pasi ka përjashtuar thuajse gjysmën e grupit parlamentar të Partisë Demokratike nga Parlamenti, prej tyre i është kërkuar Këshillit të Etikës në Kuvend këtë të hënë që të përjashtohen edhe 6 deputetë të tjerë.
Në kërkesën që PS i ka drejtuar kryetares së Kuvendit Lindita Nikolla, specifikohet se ajo lidhet me bllokimin e seancës plenare të datës 16.02.2023 ku deputetë të opozitës penguan mbarëvajtjen e seancës plenare.
Në shkresë kërkohet marrja e masës disiplinore, për deputetët Edmond Spaho, Elda Hoti, Sorina Koti, Oerd Bylykbashi, Lindita Metaliaj dhe Gerta Bardeli, me arsyetimin se penguan zhvillimin e seancës dhe krijuan kaos në Kuvend.
