Detaje të reja janë publikuar nga mediat greke në lidhje me 34-vjeçarin shqiptar Visar Dakrama, që u vra me dy plumba në kokë nga biznesmeni grek Athanasios Nazos, pas një konflikti në një strip-shoë, në lagjen Skylambela të ishullit Mykonos.
Visari, i cili njihej me emrin grek “Yiannis” jetonte prej vitesh në Mykonos dhe kishte blerë një vilë në një nga zonat më të shtrenjta të ishullit, të cilën e kishte konvertuar në një AirBnB, të cilët gjatë verës e jepte me qera për 800 euro nata.
Protothema shkruan se 34-vjeçari shqiptar donte të bëhej hotelier. Njerëz nga mjedisi i tij shoqëror kanë treguar se babai i tij është polic në Shqipëri, ndërsa vëllai i tij jeton në Angli dhe merret me ndërtim.
Për shumë vite, viktima punonte në ishullin e famshëm grek si elektricist. Në të njëjtën kohë 34-vjeçari kishte arritur të ndërtonte një shtëpi luksoze në Chora, të cilën ua jepte me qira turistëve.
Shtëpia që viktima ka blerë në ishull i ka kushtuar 150 mijë euro. Ai arriti ta rinovonte, madje krijoi një pishinë të vogël në tarracën e saj për të rritur vlerën e blerjes së pronës dhe për ta dhënë me qira me çmim të lartë për turistët.
Sa i përket autorit 33-vjeçar, ai është një biznesmen që ka në pronësi një hotel të njohur në ishull.
Familja e tij është e angazhuar në hoteleri dhe motra e Nazos është këshilltare komunale në fraksionin e opozitës.
Ai pritet që të pretendojë para hetuesisë se ka qenë nën ndikimin e alkoolit kur pas sherrit në klubin e natës shkoi në shtëpinë e tij për të marrë armën e gjahut me të cilën vrau shqiptarin.
Sipas Protothema, 33-vjeçari gjithashtu do të pretendojë se ky nuk është një krim pasioni.
“Ai nuk e njihte vajzën, vetëm punonte aty. Shqiptari ka sharë një të dashurën e tij dhe kështu janë kapur me njëri-tjetrin”, tregon për protothema.gr një person nga rrethi i tij i ngushtë.
