Autoritetet në një qytezë në jug të Spanjës janë duke hetuar vdekjen e një shqiptari i cili u gjet i pajetë brenda një plantacioni kanabisi në Mont-roig del Camp, pranë Katalunjës.
Mësohet se autoritetet besojnë se shqiptari ishte përgjegjës për bimët e kanabisit, pranë të cilave u gjet i vdekur, i rrethuar nga një pellg gjaku dhe me një tub gazi në gojë.
Sipas mediave spanjolle duke qenë se në trupin e tij nuk janë konstatuar shenja dhune, ekspertët mjeko-ligjorë e kanë trajtuar vdekjen e tij si vetëvrasje deri më tani, por kanë lënë të hapur mundësitë duke vijuar hetimin e rrethanave,
Sakaq, bëhet me dije se në shtëpinë ku ndodhej plantacioni i kanabisit nuk janë gjetur bimët e prera, por vetëm mbetjet e tyre.
Autoritetet spanjolle po hetojnë një vdekje misterioze të ndodhur në një plantacion kanabisi, në qytezën jugore të Katalunjës, Mont-roig del Camp.
Ishin agjentët e Mossos d’Esquadra që zbuluan trupin e pajetë të shtetasit shqiptar të shtunën brenda shtëpisë së barit në zonën e Baix Camp.
Burri, për të cilin policia beson se ishte një nga kopshtarët e plantacionit ishte i vdekur, me një tub gazi të lidhur me gojën e tij dhe i rrethuar nga një pellg gjaku.
Në mungesë të autopsisë dhe duke pasur parasysh se nuk ka shfaqur shenja të dukshme dhune, policia nuk ka hedhur poshtë pistën e një vetëvrasje të mundshme.
Por do të jenë provat mjeko-ligjore ato që do të sqarojnë nëse vdekja ka ardhur nga diçka tjetër.
Mënyra se si u gjet trupi, me zorrën e gazit në gojë, si dhe gjurmët e gjakut në tokë, ka bërë që hetuesit ta shohin vdekjen me lupë dhe aq më tepër duke marrë parasysh se si dhuna mes grupeve dhe bandave të organizuara të dedikuara për trafikun e drogës është bërë e zakonshme.
Burri me kombësi shqiptare ende nuk është identifikuar 100%.
Banorët e zonës panë agjentë të Mossos d’Esquadra, ambulanca të Sistemit të Emergjencave Mjekësore (SEM) dhe gjithashtu Zjarrfikësit , të cilët u vendosën në rrugën Secalló gjatë gjithë pasdites, pas marrjes së njoftimit.
