Një pamje e paprecedentë është ajo që kanë parë turistët në Venecia këtë fundjavë, teksa kanalet e brendshme janë kthyer në rrugë me baltë, me varka të ankoruara në tokë, si pasojë e një batice të ulët.
Themelet e lashta të ndërtesave veneciane kanë dalë në pah, madje edhe përgjatë Kanalit të Madh.
Venecia është duke u përballur prej shumë ditësh me fenomenin e baticës së ulët që po ashtu ka filluar të krijojë probleme serioze për lundrueshmërinë.
Natyra e jashtëzakonshme e fenomenit, shpjegojnë qendra bashkiake e parashikimit të baticës, nuk është aq në matjet nën pikën e baticës zero të arritur nga laguna (-60 centimetra ditët e fundit, -56 centimetra sot) sa në kohëzgjatjen e saj.
Uji i pakët që qarkullon në kanale do të vazhdojë edhe në ditët në vijim, të paktën deri të martën.
