Kartoni i kuq i mesfushorit Maget që në minutat e parë të ndeshjes mes Partizanit dhe Erzenit, mund t’u kushtonte shtrenjtë të kuqve në këtë sfidë. Një episod i cili ka acaruar shumë trajnerin Kolela i cili protestoi kundër vendimit që u mor nga gjyqtari Laver Alla pasi konsultoi pamjet me VAR.
Por pas sfidës, vetë trajneri italian zgjodhi të mos e komentonte këtë moment para kamerave. Ndërsa jepte prononcimin e zakonshëm për “Oversport” pas duelit, ai u pyet rreth kësaj situatë dhe menjëherë u largua.
“Faleminderit, mirupafshim”, tha ai duke mos thënë asnjë fjalë rreth ndërhyrjes së mesfushorit që mund të kishte penalizuar rëndë ekipin e tij.
