Udhëheqësi i ISIS-it Hamza al-Hosi është vrarë në Siri në një sulm me helikopter të kryer nga forcat amerikane dhe siriane.
Gjithashtu katër pjesëtarë aktivë të shërbimit u plagosën, së bashku me një qen, dhe të gjithë po marrin trajtim në Irak. Ata pësuan lëndime nga një shpërthim, por mbetet e paqartë se cili ishte shkaku i atij shpërthimi.
Komanda Qendrore e SHBA njoftoi sulmin për të goditur kreun e ISIS të premten në një deklaratë.
“Mbrëmë, gjatë një bastisjeje me helikopter të partnerëve të SHBA-së dhe Forcave Demokratike Siriane në verilindje të Sirisë, një shpërthim në objektiv rezultoi në plagosjen e katër pjesëtarëve të shërbimit amerikan dhe një qeni të njësisë. Udhëheqësi i ISIS-it, Hamza al-Homsi, u vra. Anëtarët e shërbimit po marrin trajtim në një institucion mjekësor të SHBA-së në Irak”, thuhet në deklaratë pa specifikuar detaje.
Sakaq për al-Homsi dihet shumë pak nga mediat perëndimore, pasi roli i tij në organizatën terroriste nuk është shumë i qartë.
Ndërkohë, bastisja vjen një javë pasi një sulm i veçantë nga SHBA dhe SDF vrau Ibrahim Al Qahtani, një tjetër zyrtar i ISIS-it që planifikoi të ndihmonte të burgosurit e ISIS të arratiseshin nga qendrat e paraburgimit.
Në janar, SHBA vranë një tjetër zyrtar të lartë dhe 10 nga togerët e tij në një bastisje në Somali.
