Kryeministri i Kosovës, Albin Kurti, në mbledhjen festive të Qeverisë së Republikës së Kosovës të mbajtur për nder të 17 shkurtit, tha se Pavarësia e Kosovës është arritur përmes luftës dhe sakrificës dhe pavarësia jonë do të rritet vetëm përmes punës. Kurti tha se Kosova është shembull i demokracisë në Ballkan.
“Simbolikisht kemi zgjedhur ta hapim këtë ditë më mbledhje sepse kemi dashur të shprehim mesazhin se puna dhe festa do të shkojnë gjithmonë bashkë. Në këtë festë duhet të ja përkujtojmë njëri-tjetrin që kur të vijë 20 vjetori. Kosova është një shembull demokratikë në një rajon problematikë si Ballkani, kjo falë jush. Kosova jonë, modelin e japin qytetarët”, tha ai.
Kurti tha se “në këtë përvjetor të pavarësisë së Kosovës, detyra jonë kryesore është se kur të vije 20 vjetori, të jenë të rejat dhe të rinjtë të mund të zgjedhin Kosovën për të jetuar”.
“Pavarësia jonë është si rezultat i historisë shekullore. Kosova nuk është produkt i rastësisë, por i historisë”, deklaroi ai.
