Deputeti Edmond Spaho është përjashtuar nga seanca plenare për shkak të zhurmës së shkaktuar me bilbil dhe bllokimit të Foltores. Drejtuesja e seancës për ditën e sotme Ermonela Felaj tha se pas dhënies së masës së vërejtjes ndaj deputetit, ka vendosur përjashtimin e tij nga seanca.
“Në bazë të nenit 65 të rregullores, meqenëse deputeti Edmond Spaho, pasi i është dhënë dhe masa e vërejtjes dhe vazhdon ta mbajë të zaptuar foltoren e Kuvendit, vendos përjashtimin e tij nga kjo seancë. Kjo masë do të shoqërohet me sanksion financiar të barabartë me ndalimin e pagës së deputetit për këtë ditë. Po ju paralajmëroj që do t’ju përsëris të njëjtat masa. Sjellja juaj është përsëritëse. Mendohuni mirë për dënimin që do t’ju rezultojë në finale. I tërheq vëmendjen edhe zonjës Hoti, bëtë zhurmë“, tha Felaj.
Spaho ka dëmtuar duke shkulur nga vendi mikrofonat e Kuvendit dhe më pas ai ka goditur foltoren me ta dhe i ka rënë bilbilit. Prej fillimit të seancës parlamentare, deputetët e opozitës bllokuar foltoren duke mos lejuar vazhdimin normalisht të seancës.
Njëkohësisht me seancën, u mbajt edhe protesta e opzoitës që zgjati rreth 2 orë. Debatet dhe tensionet kanë vijuar për shkak se Komisioni i Etikës ka përjashtuar me 10 ditë nga punimet e Kuvendit Sali Berishën dhe Flamur Nokën ndërsa me 5 ditë, Belind Këlliçin dhe Edi Palokën.
