Këngëtari i njohur shqiptar, Luiz Ejlli i ka bërë një surprizë shumë të madhe moderatores Kiara Tito ditën e sotme. Edhe pse ajo nuk di ende asgjë, në kuadër të festës së Shën Valentinit, Luizi ka bërë realitet ëndrrën e tij, duke i dedikuar Kiarës një këngë dashurie.
Kënga titullohet ‘Me ty’ dhe është publikuar rreth pesë orë më parë nga Top Channel në kanalin zyrtar në Youtube. Edhe pse nuk ka kaluar shumë orë që nga momenti i publikimit, kënga po thyen rekorde teksa është dëgjuar nga mbi 1.6 milion veta. Kjo shifër në fakt duket se po vjen në rritje e mesa duket do të vijojë të rritet me shifra të pabesueshme.
Kënga duket se do të kthehet në himnin e shumë të dashuruarve, duke qenë se është publikuar ditën e 14 shkurtit. Vetë Luizi, i cili duket se është ideator i kësaj kënge, e ka cilësuar këtë dhuratë të tij si ‘diçka historike që nuk ka ndodhur në asnjë “Big Brother’.
