Sa më shumë kalojnë orët aq më të pakta bëhen shpresat për të gjetur të gjallë sulmuesin e Hatyaspor, Christian Atsu edhe pse mrekullitë në Turqi vazhdojnë të regjistrohen.
Sulmuesi ganez që mendohet se ndodhet nën rrënojat e pallatit 12-katësh që u rrëzua plotësisht, nuk është gjetur ende dhe familjarët e miqtë e tij duken të dorëzuar. Bashkë me të nën rrënoja mendohet se është edhe drejtori sportiv i klibit turk. Në një reagim publik, agjenti i Atsu shkruan:
“Kanë kaluar nëntë ditë nga tërmeti dhe ne ende nuk e kemi gjetur Christian. Unë jam në vend në Hatay me familjen e tij. Këto skena janë të paimagjinueshme dhe zemrat tona janë thyer. Gjatë qëndrimit tim këtu, ne mundëm të gjenim vendndodhjen e saktë të dhomës së Christian Atsu dhe gjetëm gjithashtu dy palë këpucë të tij.
Është një situatë e vështirë dhe ne u jemi jashtëzakonisht mirënjohës të gjitha ekipeve të shpëtimit turk dhe të huaj, civilëve vendas dhe vullnetarëve për përpjekjet dhe reagimin e tyre në shpëtimin e të mbijetuarve”.
