Policia ka dalë me një njoftim zyrtar sa i takon shpërthimit të fuqishëm më tritol në një hotel në Sarandë.
Policia sqaron se hoteli i ndërtuar që prej vitit 1996, është në pronësi të dy shtetasve, Spiro Çabiri dhe Evgjeni Dhimitrit, të cilët prej 20 vitesh janë në një proçes gjyqësor për pronësin e këtij hoteli.
Si pasojë e shpërthimit që u dje në të gjithë qytetin janë shkaktuar dëmtime të fasadave të objekteve në afërsi të objektit të rrëzuar. Nuk dihet nëse shpërthimi ka lidhje me këto konflikt, por policia po i heton ato si pista kryesore.
“Rreth orës 05:55, në lagjen nr.1, Sarandë, në një hotel dy-katësh i ndërtuar që prej vitit 1996, në pronësi të shtetasve S. Ç., dhe E. Dh., ka shpërthyer një sasi lënde, e dyshuar eksplozive, ku si pasojë ndërtesa është rrëzuar dhe janë shkaktuar dëmtime të fasadave të objekteve në afërsi të objektit të rrëzuar.
Nga shpërthimi nuk ka asnjë person të lënduar. Shërbimet e policisë kanë shkuar menjëherë në vendngjarje dhe vijojnë kontrollet në zonë për kapjen e autorit/ve.
Menjëherë është ngritur një grupi i posaçëm hetimor me ekspertë më të mirë të DVP Vlorë dhe nga Departamenti i Policisë Kriminale dhe nën drejtimin e Prokurorisë vijon puna për zbardhjen e ngjarjes”, njofton Policia.
Nga të dhënat paraprake rezulton se prej vitit 2002, dy bashkëpronarët janë në një proçes gjyqësor për pronësin e këtij hoteli.
