Ekzistenca e videove erotike me protagonist ish-zyrtarin e FBI Charles McGonigal me zyrtare të PS në Tiranë u përmend për të parën herë nga Sali Berisha në një deklaratë për mediat para protestës së 11 shkurtit.
Por debati mbi video “HOT” u politizua mjaftueshëm sot, teksa deputetet femra të PS ngritën zërin dhe kërkuan përjashtimin e kreu të PD nga Kuvendi për përdorim të fjalorit fyes ndaj zyrtareve socialiste.
Edhe Taulant Balla iu bashkua thirrjes së tyre, por Berisha u shpreh në Kuvend se nuk do të flasë kurrë me gjuhën e Edi Ramës ndaj femrave.
“Përsa i përket zonjës! Zonjë do të ju them një gjë unë ty; ty të duket se të pëlqejnë ato që thotë Rama, por unë ato nuk i them kurrë. Unë jam soj tjetër, edukatë tjetër, kështu që nuk kam si ta kuptoj unë reagimin tënd, përveç një dëshire që të dëgjosh nga goja ime ato që thotë kryetari yt edhe në këtë sallë parlamenti. Por ato nuk do t’i plotësoj ndonjëherë”, tha Berisha.
Me pas Berisha tha në parlament se kujt deputete i djeg se kam video orgjie me ish-zyrtarin e lartë të FBI, le ta mbajë barrën e debatit.
Debati në fjalë, u diskutua edhe në emisionin “Opinion” mbrëmjen e sotme, me drejtuesin Blendi Fevizu që pyeti nënkryetarin e Partisë Demokratike, Luçiano Boçi, nëse e ka parë videon që përmend Berisha.
Boçi u përgjigj se faktet kanë dalë në dritë, por se ai nuk flet për video pasi merret me politikë.
Boçi u shpreh gjithashtu se një video e tillë shton elementet e kuriozitetit por nga ana tjetër heq vëmendjen nga skandali “McGonigal”.
DEBATI
Blendi Fevziu: Kjo është pjesë e kuriozitetit njerëzor, sidomos kur në atë video përfshihen njerëz politikë.
Luciano Boçi: Vetë zoti Berisha e ka sqaruar, ka thënë që ju doni ta mbuloni skandalin. Qëllimi kryesor nuk është që të nxirret një video erotike qoftë dhe ajo e disponueshme, skandali është prapë aty.
Blendi Fevziu: Ti e ke parë Luciano?
Luciano Boçi: Blend, unë merrem me politikë dhe…
Blendi Fevziu: Mirë se kuriozitet është ajo. Unë do e kisha parë me thënë të drejtën.
Luciano Boçi: Ka kanale, televizione nëse ka kuriozitet…
Blendi Fevziu: Po flasim për një video me rëndësi politike, jo ashtu…
Luciano Boçi: Rëndësia politike e videos është sekondare në raport me skandalin politik. Fokusohemi te pjesa e skandalit, këto elementë rrisin kuriozitetin por heqin vëmendjen skandalit. Kjo është çështje e korruptimit.
Blendi Fevziu: Kjo është shumë e rëndë, jo vetëm për Shqipërinë por edhe SHBA-në, nëse një zyrtar korruptohet qoftë me seks, para apo forma të tjera.
Luciano Boçi: Faktet kanë dalë, korruptimi ka ndodhur.
