Seanca e sotme parlamentare duket se po zhvillohet në hyrje të Kuevndit dhe jo brenda sallës së seancave plenare.
Rreth 20 oficerë të Gardës së Republikës janë vendosur në hyrje të Kuvendit dhe nuk lejojnë dputetët e PD-së, që aktualisht janë të përjashtuar nga seancat plenare për 10 ditë, të mos hyjnë në sallë.
Menjëherë pasi kreu i PD Sali Berisha është lejuar të futet në sallë bashkë me kolegë të tjerë, deputetët Luçiano Boçi, Tritan Shehu, Albana Vokshi, Luan Baçi, Oerd Bylykbashi dhe Tomorr Alizoti që ishin pas tij nuk janë lejuar që të hyjnë në sallë.
PËRPLASJA:
Albana Vokshi: Hapeni derën. Ju mos u bëni palë. Nuk ka vendosur Rama për ne mo, kanë vendosur shqiptarët.
Luciano Boçi: Ore jam me mandate, ça është kjo mos më prek.
Oficeri i Gardës: Kemi urdhër. Na kanë dhënë vendim, nuk ju lëmë të futemi brenda
Albana Vokshi: Për një copë punë po bëni kështu, për të mbajt atë vendin e punës. Bravo, bravo 20 veta jeni aty mos me lënë deputetët të futen. Po mos e zbatoni pra se e dini që është shkelje. Po ju vjen turp more, se ne jemi përfaqësuesit tuaj, s’keni përfaqësues ata të bandave që ju japin urdhra.
