Afera McGonigal sipas analistit Baton Haxhiu mund të marrë një tjetër drejtim në SHBA, pasi “Personi A”, pra ish-agjenti i SHIK-ut Agron Neza pritet të jetë dëshmitar në procesin gjyqësore ndaj ish-shefit të kundërzbulimit të FBI-së, Charles McGonigal.
Haxhiu tha në ‘Çim Peka LIVE’ se Neza mund të jetë dëshmitar në gjyqin në Uashington, sa i përket 14 pikave në aktakuzë ku del emri i kryeministrit shqiptar Edi Rama, por edhe për fluturimet në Tiranë me McGonigal.
“Gjëja më fajësuese, mund të merret fjalia që ky ka takuar McGonigal, në prezencë të Agron Nezës, i cili lë të nënkuptohet se do të jetë dëshmitar në procesin gjyqësor. Neza është në Tiranë dhe lë të kuptohet se ai ardhjen e ka të kushtëzuar. Ajo që mund të interpretohet politikisht është ajo që sqaron takimin e Edi Ramës me aktorët, të cilët si Nju Jork Times, edhe Uashington Post ka fjalinë që thotë se, McGonigal ka përfaqësuar disa pika të interesave politike dhe të qeverisë”, u shpreh analisti.
