Pasagjerët në një fluturim nga Edinburgu për në Nju Jork kanë përjetuar një tmerr të vërtetë, teksa pak pas nisjes panë flakët të shkrumbonin njërin krah të avionit të tyre.
Sipas BBC, fluturimi DAL209 i “Delta Airlines” me destinacion Nju Jorkun u devijua shpejt për t’u ulur në aeroportin “Prestwick” të Glasgout, pas problemeve me motorin.
Imazhet e krahut të avionit në flakë kanë qarkulluar në rrjetet sociale, ndërsa pasagjerët e tronditur thanë se dëgjuan një zhurmë të fortë përpara se avioni të shkëputej nga pista.
Një reporter i BBC Scotlant Neës i cili ishte në fluturim tha se “avioni u ngrit dhe pati një zhurmë të madhe nga motori, e ngjashme me tingullin e dëgjuar gjatë ngritjes dhe uljes, por dukej se vazhdonte kur ishim në ajër“.
“Së shpejti kuptuam se ishim gati të zbarkonim. Kur avioni u ul, pamë makinat e zjarrfikësve që vraponin drejt nesh. Na thanë të linim të gjitha gjërat tona dhe të largoheshim sa më shpejt që të mundeshim. Nuk kishte panik të vërtetë mes pasagjerëve, më shumë konfuzion”, tha ai.
View this post on Instagram
Laura Pettigrew tha se nuk e kuptoi se sa serioz ishte incidenti derisa ata hynë në terminal dhe dëgjuan njerëzit duke folur për atë që kishte ndodhur.
Në një deklaratë linja ajrore tha: “Fluturimi Delta 209 nga Edinburgu në Nju Jork u devijua në mënyrë të sigurt në Aeroportin Prestëick të Glasgou pas një problemi mekanik me një nga dy motorët e avionit. I kërkojmë falje klientëve tanë për këtë shqetësim.”
