Të paktën 48 arrestime të personave të akuzuar për grabitje në zonat e prekura nga tërmeti në Turqi.
Arrestimet janë bërë në provincat e Turqisë që më 6 janar u goditën rëndë nga tërmetet e fundit vdekjeprurëse me magnitudë 7.8 dhe 7.6 ballë.
Lajmi është bërë i ditur nga agjencia turke e lajmeve Anadolu, ndërsa në rrjetet sociale po qarkullojnë video, ku dyshohet se tregohen të arrestuarit për plaçkitje.
42 mes këtyre të dyshuarve u arrestuan vetëm në provincën e Hatay, në jug të vendit, të cilëve iu gjetën shuma të konsiderueshme parash, celularë, kompjuterë, si dhe bizhuteri dhe karta bankare.
Vigilantes as well as some Turkish security forces beat up alleged looters or thieves in the earthquake hit provinces
There are numerous footages
— Ragıp Soylu (@ragipsoylu) February 10, 2023
Më sipër është një tjetër video që është publikuar ku tregon se të arrestuarit edhe janë rrahur nga banorët e komuniteteve ku kanë plaçkitur.
Kujtohet se më herët gjatë ditës së sotme, Presidenti turk Rexhep Tajip Erdogan njoftoi masa për ata që plaçkisin ose janë të përfshirë në krime të tjera në rajonet e prekura nga tërmeti.
Sipas një dekreti të botuar sot në Fletoren Zyrtare të qeverisë turke, prokurorët tani mund të ndalojnë personat e akuzuar për plaçkitje për shtatë ditë në vend të katër ditëve sipas gjendjes së jashtëzakonshme të shpallur nga Erdogan të mërkurën për t’u marrë me fatkeqësinë.
