Është zbardhur dinamika e ngjarjes që ndodhi një natë më parë në bashkinë e Vaut të Dejës, ku u dhunuan dy efektivë policie.
Mësohet se dy persona i kanë vënë flakën një magazine me bagëti për qëllim hakmarrje.
Pas marrjes së informacionit, policia shkoi menjëherë në vendngjarje, dhe referuar dëshmisë së pronares së magazinës, si autorë të dyshuar ishin Afrim Sadik dhe Gëzim Prendi.
Pasi u vu në ndjekje të tyre, blutë e Shkodrës arritën t’i ndalonin dy autorët e dyshuar në fshatin Rranxa. Në momentin po bëhej ndalimi i tyre, Sadik dhe Prendi kanë dhunuar fizikisht punonjësit e policisë, i kanë kërcënuar me jetë si dhe kanë tentuar t’iu marrin automjetin.
Në vendngjarje kanë mbërritur shërbime mbështetëse, duke bërë të mundur arrestimin e dy autorëve të dyshuar.
