Kryeministri kanadez Justin Trudeau, urdhëroi rrëzimin e një objekti në lartësi të madhe mbi hapësirën ajrore kanadeze të shtunën, konfirmoi ai në një postim në Twitter.
“Unë urdhërova rrëzimin e një objekti të paidentifikuar që shkeli hapësirën ajrore kanadeze. @NORADCommand e rrëzoi objektin mbi Yukon. Avionët kanadezë dhe amerikanë punuan së bashku dhe një F-22 amerikan qëlloi me sukses objektin,” tha Trudeau.
Trudeau tha se ai foli me presidentin Joe Biden dhe se forcat kanadeze do të udhëheqin operacionin e rikuperimit të objekteve.
I ordered the take down of an unidentified object that violated Canadian airspace. @NORADCommand shot down the object over the Yukon. Canadian and U.S. aircraft were scrambled, and a U.S. F-22 successfully fired at the object.
— Justin Trudeau (@JustinTrudeau) February 11, 2023
Komanda e Mbrojtjes së Hapësirës Ajrore të Amerikës së Veriut (NORAD Command) tha më herët të shtunën se po monitoronte “një objekt ajror në lartësi të madhe” mbi Kanadanë veriore dhe aeroplanët ushtarakë aktualisht po operojnë në zonë nga Alaska dhe Kanadaja, sipas një njoftimi për lajmet nga agjencia.
Nuk është e qartë se cili është objekti apo nëse ka lidhje me balonën e dyshuar të spiunazhit kinez nga java e kaluar apo me një objekt tjetër të rrëzuar mbi Alaskë ditën e djeshme.
