Një vajzë 14-vjeçare e cila u raportua e zhdukur në vitin 2021 është gjetur shtatzënë në dollapin e një shtëpie në Miçigan.
“Një ekip i policisë e gjeti adoleshenten e cila ishte në një gjendje të rënduar, rreth orës 17:30 të së martës në Port Huron, Michigan”, tha zëvendësmarshali Robert Watson.
“Ajo ishte goxha e mërzitur, po qante dhe ishte shumë e frikësuar. Ajo nuk ishte e sigurt se çfarë do të ndodhte me të“, shtoi ai.
Autoritetet arritën të gjurmonin vajzën pasi u informuan për të kontrolluar shtëpinë. Ajo u dërgua më vonë në spital për një ekzaminim shëndetësor, ku u zbulua se ishte shtatzënë.
Shërbimet e Mbrojtjes së Fëmijëve i thanë Watson të enjten se babai i saj ishte “shumë i lehtësuar” që adoleshentja ishte gjetur.
“Ai ishte duke u përballur me këtë makth për një vit e gjysmë. Dhe tani është në një vend shumë më të mirë“, shtoi Watson.
Zyrtarët i thanë Detroit Free Press se ata po ndjekin akuzat për rrëmbim prindëror kundër nënës së vajzës, e cila kishte kujdestarinë e adoleshentes.
