Qeveria shqiiptare ka vendosur që 13 shkurti të jetë ditë zie kombëtare, në shenjë të solidarizimit me dhimbjen që po kalon Turqia pas dy tërmeteve shkatërrimtare që goditën vendin dhe kanë shkaktuar deri më tani mbi 21 mijë viktima.
Vetë kryeministri Edi Rama ka njoftuar se vendimi merret në shenjë dhimbjeje e lutjeje për viktimat e tragjedisë së tërmetit në kufirin turko-sirian.
Në një status në Facebook, Rama shprehet se ulja e flamurit kombëtar në gjysmë shtizë dhe ndezja e një qiriri nga çdonjëri sipas dëshirës e mundësisë, janë shprehja e duhur e solidaritetit me një vend mik.
NJOFTIMI:
Qeveria Shqiptare ka vendosur që e hëna, 13 shkurt, do të jetë DITË ZIE KOMBËTARE në shenjë dhimbjeje e lutjeje për viktimat e tragjedisë së madhe të tërmetit në kufirin turko-sirian, si edhe në shenjë solidariteti me Turqinë mike, e cila na u gjend pranë kur një fatkeqësi e ngjashme goditi Shqipërinë pak kohë më parë
Ulja e flamurit kombëtar në gjysmë shtize dhe ndezja e një qiriri nga çdonjëri sipas dëshirës e mundësisë, do të jenë shenjat kuptimplota të një të hëne të shenjuar prej dhimbjes njerëzore e solidaritetit popullor që i kapërcejnë kufijtë tanë.
