Aplikacioni “Aktiv1st” për deputetin socialit Erion Braçe nuk ka asnjë vlerë.
Ndryshe nga të gjithë socialistët e tjerë që e kanë shkuar në telefonat e tyre celularë dhe drejtorët rajonalë e ministat që siç është denoncuar e përdorin për t’i bërë presion administratës, Braçe tha sot: “Nuk jam pjesë dhe as nuk e di se çfarë është.”
Nisur nga reagimet e shumta për listën e përdoruesve të aplikacionit, ku nga një listë që rodhi në media shiheshin edhe emra të prokurorëve të SPAK, Braçe u pyet në emisionin “Intervistë”, por u shpreh se për të promovuar punën e tij ai ka rrjetet social.
Braçe theksoi se kur diçka është e vërtetë dhe e mirë mund ta pëlqejë dhe ta shpërndajë vetë, pa lindur nevoja që t’ia kërkojë dikush.
“Nuk kam nevojë as t’i bëj like Edi Ramës, as të më bëjë ai mua. Nuk dua like me zor. Nuk bëjnë punë. Nuk kam nevojë të më thotë dikush, nëse diçka është e mirë. E bëj vetë. Nuk është e nevojshme të bëhet propagandë. Njerëzit e kuptojnë vetë.”
