Një shtetase ukrainase është gjetur e pajetë në apartamentin e saj në zonën e plazhit, në Durrës.
Mësohet se 45-vjeçarja Natalia F. Yaruseska jetonte e vetme në katin e pestë të një pallati në zonë e “Shkëmbit të Kavajës”.
Kanë qenë banorët e pallatit që kanë njoftuar shërbimin zjarrfikës pasi ishin të shqetësuar për fatin e fqinjes së tyre.
Zjarrëfikësit kanë mundur të hyjnë brenda apartamentit nga ana e ballkonit, por e kanë gjetur të pajetë 45-vjeçaren.
Trupi i saj është dërguar në urgjencën e spitalit të Durrësit, e cila ka deklaruar paraprakisht se nga kqyrja e trupit nuk ka shenja dhune dhe vdekja e saj është natyrale.
Policia po vijon hetimet për zbardhjen e plotë të rrethanave të ngjarjes.
