Vasili: Nëse ka deklaratë që vjen nga ndërkombëtarët në këto momente, dijeni se është e paguar me para
Deputeti i Partisë së Lirisë, Petrit Vasili ka komentuar zhvillimet e fundit në lidhje me aferën McGonigal dhe artikujt që media me peshë te opinion publik në SHBA dhe Europë i kanë kushtuar skandalit që përfshin kryeministrin Edi Rama, si personin që korruptoi një ish-zyrtar të FBI-së.
“Ky problem dhe skandal ka marrë dimension evropian, ndërsa sa i përket medieve amerikane ata e kanë ezauruar këtë çështje. Hapja e pistës gjermanë është një zhvillim i rëndësishëm dhe kam mbetur i habitur nga kontrasti mes linjave të qarta politike të CDU-s në atë kohë në pushtet ku u shprehnin me deklarata të çuditshme kundër rrymës zyrtare. Mark Haupman dhe karteli Sinaloa dalin nga zyra së bashku me Duçkën. Kjo do të thotë që edhe në raportin e politikës gjermane Rama është bazuar në teknikën e korruptimit të asaj me para që të çajë në të gjitha kanalet që mund ta ndihmojnë në synimet e tij”, tha Vasili.
Më tej deputeti i PL pati një qëndrim të fortë sa i përket ndërkombëtarëve të vendosur në Tiranë, duke thënë se nëse në ditët në vijim do të kemi një reagim prej tyre për skandalin McGonigal, atëherë duhet të dimë se ka theksuar se janë të paguar nga kryeministri për interes të tij.
“Hapja e kësaj piste tregon se raporti i Ramës me ndërkombëtar ishte vetëm në rrafshin e korrupsionit. Ai nuk ishte bazuar kurrë në parime dhe principe që kishin për qëllim zhvillimin e vendit por trafik i vazhdueshëm interesash dhe influencash që në momente të vështira dhe rënda që është përballur vendi dhe opozita ku denoncohen qindra dokumenta dhe shkelje flagrante ku ka bërë një punë që i takon drejtësisë. Këto situata të hapura dilnin ndërkombëtarë dhe mbështesnin Ramën.
Është e qartë që të ketë një ekzaltim idiot të medieve të qeverisë mbi fshirjen e lajmit të Bild tregon se ka një hall të madh, fshirje që u përgënjeshtrua në moment. Raportin më të mirë me bindin e ka Rama ku u tërhoq nga gjyqi me ta pasi tha se i njoha dhe ishin djem të mirë, dhe të thuash tani se kjo nuk është serioze nuk më duket korrekte pasi kjo media ka dhënë prova se është serioze. Sa herë që të shikojmë ndonjë deklaratë këto momente që vjen nga ndërkombëtarët dijeni se është e paguar me para”, u shpreh Vasili per SyriTv.
