Një aksion i policisë në Ekuador për të çuar pas hekurave Ëilmer Emiliano Sanchez Farfan, është finalizuar jo vetëm me arrestimin e liderit të kartelit të vetëquajtur ‘Nueva Generacion Ekuador’, por edhe një 37-vjeçari shqiptar.
Mediat vendase pak pas aksionit kanë zbardhur identitetin e shqiptarit që ishte pjesë e kartelit më të madh të drogës në Ekuador, duke bërë me dije se në pranga bashkë me “Macen” Farfán (njihet dhe me nofkën “Jerry”-n), ka rënë Artur Rrapaj nga Fieri.
Próximamente noticias importantes a favor de la seguridad en el país. pic.twitter.com/EPSIqHSDBk
— Guillermo Lasso (@LassoGuillermo) February 9, 2023
Mësohet se ky shtetas ka precedentë penale edhe në Shqipëri, ndërsa arrestimi i tij dhe trafikantit më të madh ekuadorian të drogës që furnizonte aktualisht Europën dhe SHBA-të është arritur pas 18 muajsh hetime, në një operacion të përbashkët mes policisë kolumbiane dhe ekuadoriane.
Si rezultat i bastisjeve në kuadër të operacionit në Guayas janë sekuestruar 319 mijë dollarë, telefona satelitorë dhe pajisje GPS, ndërsa në Imbabura është bastisur një “kala” me dyer të blinduara ku u gjetën katër kasaforta me 90 mijë dollarë.
Kujtojmë se trafikanti i shumëkërkuar nga Ekuadori me nofkat “Gato Farfán” ose “Jerry” është përgjegjës për disa nga masakrat e ndodhura në burgje në Ekuador vitet e fundit dhe që kanë lënë të vrarë më shumë se 450 të burgosur që nga viti 2020.
Ai akuzohet se është një nga furnizuesit kryesorë të kokainës për kartelin Sinaloa, të cilit ai i dërgon mallin nga streha e tij në Guayakuil.
Më 10 shkurt 2022, Departamenti i Thesarit i SHBA-së njoftoi sanksione ekonomike kundër Farfan dhe meksikanit Miguel Angel Valdez Ruiz, të lidhur me kartelet Sinaloa dhe Jalisco Nueva Generación (CJNG), për kontributin material në aktivitetet e paligjshme të këtyre dy organizatave, futja e kokainës në vendin e Amerikës së Veriut.
La detención de “Gato Farfán”, narcotraficante requerido en EE.UU., se dio tras 18 meses de trabajo profesional de @PoliciaEcuador.
Agradecemos la cooperación de @PoliciaColombia y de la agencia antidrogas de #EEUU. Así como el reconocimiento a nuestra unidad #ULCO. pic.twitter.com/BrChA4RNhq
— GraD. Fausto Salinas Samaniego (@CmdtPoliciaEc) February 9, 2023
Vitin e kaluar, qeveria amerikane e quajti Farfan një nga trafikantët më të rëndësishëm të drogës në botë sot dhe gjithashtu e akuzoi atë se kishte dërguar përfaqësues të organizatës së tij në Meksikë për të krijuar një marrëdhënie pune me Kartelin “Jalisco Nueva Generacion”.
Importante trabajo de nuestras unidades con apoyo de @PoliciaColombia, en Pasto, permitió la captura de Wilder S., alias Gato Farfán o Jerry, presunto cabecilla del autodenominado cartel nueva generación Ecuador
📌 Es considerado uno de los mayores narcotraficantes de la región pic.twitter.com/9i0BUMGJsG
— GraD. Fausto Salinas Samaniego (@CmdtPoliciaEc) February 9, 2023
