Deputeti i PD, Luan Baçi ka folur për aferën Rama-McGonigal, përjashtimin e deputetëve opozitarë nga Parlamenti dhe protestën e 11 shkurtit.
Baçi theksoi se skandali Rama-McGonigal ka irrituar të gjithë shqiptarët dhe opozita dhe PD duhet të dalë në ball dhe ti udhëheqë qytetarët.
Sipas Baçit, Shqipëria është në rrezik të vendosjes së monizmit dhe të diktaturës së një njeriu. Rama po kërkon eliminimin e opozitës dhe protesta e 11 shkurtit nuk është vetëm për korruptimin që kryeministri i ka bërë McGonigal por rreziku i shuarjes së pluralizmit dhe vendosja e një diktature të re është më evidente se kurrë.
“Protesta është në gen të PD dhe absolutisht protesta e 11 shkurtit është krej e veçantë pasi po kërkohet nga vetë qytetarët, nga shqiptarët pasi kemi përballë një skandal të përmasave ndërkombëtare të pa dëgjuar më parë. Kemi një kryeministër të një vendi anëtar të NATO-s në korrupsion me shefin e inteligjencës amerikane. Është një skandal që ka irrituar të gjithë shqiptarët dhe opozita, PD duhet të dalë në ball dhe ti udhëheqë qytetarët shqiptarë.
Kemi një kryeministër që kërkohet të përballet me opozitën por ai e injoron opozitën dhe parlamentin, nuk del të përballet por merret me skenare nga më të turpshmet duke përjashtuar deputetët e opozitës nga Parlamenti që të mos përballet. Teoria e përjashtimeve ka qënë një skenar i Ramës ku në fillim e bëri me dy ortakët që ka te PD Alibashët dhe tani po e bën dhe vetë duke i përjashtuar deputetët nga Parlamenti.
Shqipëria është në rrezik të vendosjes së monizmit dhe të diktaturës së një njeriu. Rama po kërkon eliminimin e opozitës dhe protesta e 11 shkurtit nuk është vetëm për korruptimin që kryeministri i ka bërë McGonigal por rreziku i shuarjes së pluralizmit dhe vendosja e një diktature të re është më evidente se kurrë.
Gjatë qeverisjes së Ramës kemi një skenar për eliminim të opozitës. Përdori skenarin për blerjen e opozitës gjatë kohës që lider ishte Lulzim Basha dhe sot po duket se ka qënë gjatë gjithë kohën në urdhrat e Ramës dhe i blerë prej tij.
Sot Rama ka përballë një opozitë të fuqishem, të vërtetë të pablerë të pakorruptuar dhe në këto kushte Rama filloi të përjashtoi PD nga zgjedhjet. Për 2 javë kemi 13 deputetë të përjashtuar nga Parlamenti, por kemi rastin e paprecedentë kur zgjedhjet e 14 majit janë afër, Rama po tenton që të pengojë PD të regjistrohet dhe të mos marrë pjesë duke e bllokuar për mëse një viti regjistrimin në gjykatë, pas një procesi të rregullt zgjedhor të bërë në sy të publikut shqiptar dhe atij ndërkombëtar”, tha Baci per Syri Tv.
