Java që lamë pas dhe java e re në të cilën kemi hyrë janë karakterizuar nga moti i acartë me temperatura që kanë zbritur deri në -11 gradë celcius në zonat malore dhe nuk kanë kaluar 5 apo 6 gradë në zonat e ulëta.
Sipas meteorologes Lajda Porja, e cila ka folur për parashikimin e motit për ditët në vijim, efekti i kësaj mase të ftohtë ajrore mbi vendin tonë pritet të zgjasë edhe për pak ditë.
Ajo tha se pas datës 14, temperaturat do të rriten dhe moti do të nis të ngrohet. Meteorologia gjithashtu sqaroi se dita e djeshme dhe mëngjesi i sotëm, kanë qenë më të ftohtat për vitin 2023.
“Kjo masë e ftohë e acartë, dje dhe mëngjesin e sotëm, kanë qenë më të ftohtat deri më tani. Temperaturat më të ulëta janë regjistruar në Korçë, Pukë me -11 gardë. Në një fshat të Korçës temperatura ka shkuar në -16.4 gradë celsius. Ditën e premte do të ndryshojë masa ajrore. Pra do të ketë ndryshim të temperaturave. Territori shqiptar do të përmirësohet gjatë fundjavës, në veri do të shkojnë temperaturat -3,-4 gradë celsius. Në Kukës, Bajram Curr, temperaturat do të jenë me minus. Një përmirësim i dukshëm do ketë në datë 14-15 shkurt. Mëngjeset do jetë pak ë të ftohta, por dreka do jetë me temperaturë më të larta”, u shpreh ajo për News24.
