Një foshnjë 7 muajshe është nxjerrë i gjallë pas 66 orë kërkimesh nën rrënoja në zonën e shkatërruar nga tërmeti në Turqi.
Ekipi Kombëtar i Shpëtimit Mjekësor (UMKE) në Hatay shpëtoi foshnjën nën koordinimin e AFAD-it, në një godinë të shkatërruar në lagjen Odabaşı.
Ekipet e nxorën foshnjën nga rrënojat dhe në ambulancë u dha menjëherë ndihma e parë.
Sakaq dhjetëra të plagosur nga tërmetet në Kahramanmaraş janë dërguar me një avion ushtarak në Stamboll.
Të plagosurit, të cilët u morën me barela nga ekipet mjekësore nga avioni që u ul në aeroportin Atatürk në orën 23.15, u dërguan në spitalet e qytetit me autoambulanca për mjekim të specializuar.
