Ditën e sotme është mbledhur Komisioni i Votimit dhe Etikës, ku po diskutohet kërkesa e 7 deputetëve të PS-së, për përjashtimin e 8 ligjvënësve demokratë për 10 ditë nga seancat plenare.
Nërkohë mësohet se komisioni ka nisur me debat mes deputetëve të PD-së dhe kryetares socialiste të komisionit, Klotilda Bushka, e cila kërkon ta zhvillojë mbledhjen të mbyllur, pa praninë e gazetarëve.
Deputetja Albana Vokshi ka ngritur zërin me forcë duke i bërë thirrje Bushkës të lejojë praninë e medias: “Nuk merr dot masë mbi ne, nuk e bën dot të mbyllur. Nuk jemi në diktaturë, ka procedurë. Kërkuam të mbyllet dhe të futet media, këtë kërkuam. Nuk jemi në diktaturë ne, ku jemi të bëhen mbledhje të mbyllura.
Deputetët po e transmetojnë vetë live, këtë debat, duke e xhiruar me celular dhe transmetuar në Fb.
