Përdoruesit e Twitter dhe rrjeteve të tjera sociale kanë shpërthyer në kritika kundër yllit të “Titanikut”, Leonardo DiCaprio pas romancës së tij të re me një modele vetëm 19-vjeçare.
Ylli 48-vjeçar i kinematografisë është zhytur në pasionin me modelen Eden Polani, por rrjeti është kundër kësaj lidhje dashurie për shkak të diferencës së madhe në moshë që ata kanë.
Leonardo u fotografua për herë të parë me Eden në festën e publikimit të albumit të ri të këngëtares së lindur në Detroit, Ebony Riley.
Fituesi i çmimit “Oscar” u pa i ulur pranë modeles së lindur në Paris, teksa ata shijonin atmosferën.
Në dukje mungonte në event e dashura aktuale e Leos, Victoria Lamas, e cila në moshën 23-vjeçare është 25 vjet më e vogël dhe pothuajse gjysma e moshës së tij.
Sakaq modelja e re nuk kishte lindur as kur Titaniku doli në kinema në 1997, më shumë se 25 vjet më parë.
“Kate Winslet ishte 22 vjeç kur u nominua për një Oscar për Titanikun. Ajo është 3 vjet më e madhe se e dashura aktuale e Leonardo DiCaprios”, konstatoi një kritik në rrjetet sociale.
“E dashura e re e Leonardo DiCaprio-s nuk kishte lindur as kur doli Titaniku”, tha po ashtu një tjetër.
Të tjerë shkruan se si ajo ishte në shkollë kur Leo ishte tashmë një aktor i njohur filmash.
“E dashura e DiCaprio-s është aq e re, saqë ndoshta ka studiuar filmin Romeo and Zhuliet ku ai luajti kur ajo ishte në shkollë”, ishte një prej komenteve.
Ndërkohë një tjetër u shpreh: “Dikush ju lutem më shpjegoni se çfarë të përbashkët ka një burrë afër të 50-ve me një 19-vjeçare?”.
