Tërmeti me magnitudë 7.9 ballë që ka gjynjëzuar Turqinë, duket se ka prekur edhe dhjetëra familje shqiptare që jetojnë në rajonë si Adana dhe Gaziantep.
Këtë e ka bërë të ditur kreu i shoqatës shqiptare në qytetin e Adanas, Evren Kaja teksa foli për Syri Tv.
Duke nënvizuar se Kaja situata ishte dramatike pasi lëkundjet ishin shumë të forta, Kaja u shpreh se ndihen të traumatizuar.
Sipas tij komuniteti shqiptar në Adana është bashkuar dhe të gjithë po ndihmojnë mesa munden njëri-tjetrin dhe të gjithë të tjerët që janë prekur nga tërmeti.
Kaja gjithashtu tha se nga raportimet e mbledhura gjatë ditës së sotme vetëm shtëpia e një familje shqiptare është rrënuar plotësisht, por fatmirësisht pa viktima.
“Situata është shumë e vështirë, në orët e para të mëngjesit u ndjejnë lëkundjet e para të tërmetit ku goditja e dytë ishte shumë e fortë dhe zgjati.Populli i tmerruar doli në rrugë dhe po përpiqeshin të largoheshin nga pallatet që i rrethonin, ato filluan të largoheshin dhe nga qyteti, shumë banesa janë dëmtuar dhe rrëzuar në Adana.
Tani në këto kushte ku jemi kemi vetëm një shtëpi të një shqiptari që është rrëzuar por pa dëme në njerëz, pas tërmetit është larguar nga zona dhe ka shkuar të strehohet në një zonë më të sigurt.
Me shqiptarët kam biseduar me të cilët që i njoh dhe janë mirë nga ana shëndetësore, banorët që popullohen nga shumicë shqiptare po qëndrojnë të bashkuar në këtë situatë shumë të vështirë që po kalojmë. Nga tërmeti që na ka dëmtuar shumë shqiptarë po ndihmojnë të gjithë të gjithë njerëzit që janë në vështirësi, me ushqime, batanije, çadra dhe të gjitha gjërat e nevojshme që atyre ju nevojiten“, tha ai.
