Një tjetër skandal ka përfshirë “Big Brother Vip”, vetëm pak ditë pasi publiku shpërtheu ndaj produksionit për eleminimin e Efi Dhedhes pas zgjedhjes së Dea Mishel për ta nxjerrë në nominim së bashku me miqtë e saj Luiz Ejlli dhe Kiara Tito.
Skandalet duket se nuk kanë fund dhe këtë herë është një audio e opinionistes së “Big Brother Vip”, Zhaklin Lekatari që po bën xhiron e rrjetit.
Kjo pasi në një bisedë në rrjetin social ‘Whatsapp’, Zhaklin dëgjohet të thotë se është shantazhuar nga partneri i aktores Olta Goxhari, pas përplasjeve mes tyre në mbremjet e prime.
Zhaklin shprehet se bashkëshorti i Oltës ka tentuar “ta blejë me para”, duke shprehur se këtë gjë ia ka komunikuar edhe produksionit.
View this post on Instagram
“Unë ia thashë produksionit sot, burri i Oltës do të më shantazhojë. Ndjehem e ofenduar që burri i Oltës mendon që mund të më blejë mua me lekë. Unë nuk jam Olta, nuk blihem, i thashë Sara Hoxhës”, dëgjohet të thotë Zhaklina.
Ndërkohë vetë Zhaklina ka reaguar përmes një reagimi në Instagram në lidhje me lajmet që po qarkullojnë në media, duke hedhur dritë mbi atë ç’po ndodh midis saj dhe bashkëshortit të Oltës.
Në nisje të reagimit, Zhaklina thotë: “Po e bëj këtë deklaratë sepse mendoj që është mënyra më e duhur dhe më e saktë për t’ju dhënë përgjigje të gjithëve ju që po më telefononi për të ditur nëse lajmi që qarkullon nëpër portale është i vërtetë“.
Pas konfirmimit se është kontaktuar, opinionistja shprehet se në audion që po qarkullon ajo nuk ka përdorur termat e duhura duke iu referuar si shantazh, dëshirës së bashkëshortit të Oltës për të folur me të.
“Po, është e vërtetë. Burri i Oltës, nëpërmjet një miku shumë të mirë të përbashkët, ka dashur të takohet me mua dhe gjëja e parë që unë kam vendosur të bëj është që të kontaktoj produksionit, i cili më ka këshilluar që të mos takohem as me këtë familjar, as me familjarë të tjerë [të banorëve]. Për shkak të presionit shumë të madh dhe trysnisë së madhe, unë kam përdorur termin e gabuar. Sigurisht që ai nuk më ka shantazhuar, sepse unë nuk e kam takuar kurrë. Por, ka dashur të më kontaktojë,” thotë ndër të tjera ajo.
View this post on Instagram
Zhaklin Lekatari është njohur gjithnjë për mendimet pafiltra dhe të drejtëpërdrejta. Këto mendime ajo nuk ka nguruar t’ia shprehë as Oltës, e cila duket të jetë një nga personazhet më në zë të këtij Big Brotheri.
Madje komentet e saj mbi Oltën, Zhaklina i bëri edhe në një intervistë të dhënë më herët, duke u shprehur: “Olta ka një protagonizëm që njerëzit i bezdis, por mua nuk më bezdis protagonizmi i saj. Është më shumë teatrale, nuk e shoh Oltën si një njeri të ligë”.
