Detaje të reja bëhen me dija nga aksioni që çoi në pranga pastruesen Elida Kodra, e cila u arrestua nga policia e Tiranës në lidhje me vjedhjen e më shumë se 2 mijë eurove në banesën e një çifti.
Denoncimi nga çifti që ra pre e vjedhjes është bërë 3 ditë më parë dhe ata kanë qenë të bindur se paratë ishin marrë nga pastruesja. Ditën që ajo u rikthye në banesë për të pastruar, policia i kishte përgatitur një rreng në bashkëpunim me pronarët.
Një sasi parash ishin vendosur në një vend dhe është mbajtur në mbikëqyrje, derisa i ka futur sërish në çantë.
Gjatë kontrollit i janë gjetur paratë dhe në dëshminë para policisë ka pranuar se ka qenë ajo autore e vjedhjes së valutave të ndryshme.
