Luftë e hapur në kampin bavarez pas kritikave që Manuel Neuer i bëri klubit për shkak të largimit të trajnerit të portierëve, Toni Tapalovic.
Numri 1 që aktualisht është në fazë rikuperimi dhe po rehabilitohet nga dëmtimi në këmbë që u pasua nga një operacion, e cilësoi pa vend lëvizjen e klubit për të ndarë rrugët me njeriun i cili e ka ndihmuar shumë në karrierën e tij.
I menjëhershëm ka qenë reagimi i presidentit Oliver Kahn, i cili kritikon gjithashtu shumë.
“Një pjesë e intervistës së Neuer që lidhet me Tapalovic nuk ka asnjë lidhje me vlerat e Bayernit. Qëndrimi i tij në prag të ndeshjeve shumë të rëndësishme është i papërshtatshëm. Edhe unë u përballa në një situatë të tillë në vitin 2004 por u detyrova të mos flas publikisht sepse skuadra ishte më e rëndësishme se ndjenjat e mija personale. Manuel bëri të kundërtën dhe unë do të jem shumë i qartë kur të flas me të”, deklaron Kahn.
