Sot u bë e ditur për largimin nga futbolli të Mesut Ozil. Futbollisti 34-vjeçar, i cili prej verës së kaluar luan për Istanbul Basaksehir, ka vendosur t’i japë fund karrierës.
Një ditë më parë, Ozil ishte në formacionin titullar për ndeshjen e javës së 22-të të kampionatit turk kundër Kayserispor (0:1), por u zëvendësua në minutën e 46-të dhe u kritikua për cilësinë e lojës.
Sot, Mesut nuk ka ardhur në stërvitje dhe ka njoftuar bashkëlojtarët për pensionimin e tij. Mesfushori dhe klubi do të ndërpresin kontratën.
