Një 53-vjeçar shqiptar, të cilit i duhej të zbatonte vendimin e gjykatës që i kishte caktuar masën e sigurisë “arrest në shtëpi”, ka përfunduar pas hekurave në Itali pasi u zbulua gjatë një kontrolli rutinë duke festuar në banesën e miqve të tij.
Sipas mediave lokale shqiptari u kap me miqtë teksa festonin me mish të pjekur në zgarë dhe kokainë ditën e “Shën Stefanit”, por ai duhet të ishte në arrest shtëpiak për trafik droge.
Kështu dyert e burgut iu hapën sërish 53-vjeçaritt të akuzuar për trafik kokaine dhe që në shkelje të masës së sigurimit, pozita iu rëndua edhe më tepër.
Shqiptari ishte arrestuar për herë të parë në fillim të dhjetorit, por më pas iu caktua arrest shtëpie.
Kur burri u kontrollua nëse ishte vërtet në shtëpi dhe nëse po respektonte masën, vetë 53-vjeçari u gjet në shoqërinë e disa miqve, në tarracën e shtëpisë me skarë të ndezur dhe me gjithsej rreth dhjetë gramë kokainë, së bashku me rreth 940 euro dhe materiale të tjera të dobishme për të paketuar gjithçka.
Ishte vetë 53-vjeçari që mori përsipër si posedues drogën e gjetur. Pas ngjarjeve, prokurori i Bolonjës kërkoi rëndimin e masës së sigurimit të urdhëruar nga magjistrati hetues.
