Një aksident i rëndë ka ndodhur në orët e para të mëngjesit të sotëm në Elbasan, teksa një automjet është përplasur me trafik ndarësen dhe më pas ka shpërthyer në flakë.
Ngjarja është regjistruar rreth orës pesë të mëngjesit në Unazën jugore të qytetit, ndërsa mjeti është shkrumbuar plotësisht.
Drejtuesi ka arritur të dalë pa lëndime nga mjeti në momentin që u përfshi nga flakët.
Dyshohet se shkak për daljen nga rruga të mjetit dhe përplasjen me trafikndarësen është bërë shpejtësia e lartë.
Ndërkohë policia ka nisur hetimet për të zbardhur shkaqet dhe për të identifikuar drejtuesin e automjetit të përfshirë në këtë aksident, pasi është larguar nga vendngjarja menjëherë pas përplasjes.
