Chelsea nuk është kursyer aspak në merkaton e Janarit duke transferuar për një shifër rekord për Premier League, yllin argjentinas të Benfica, Enzo Fernandez.
Klubi londinez u interesua gjatë dhe seriozisht për shërbimet e mesfushorit të talentuar, duke insistuar edhe më shumë pas performancës në nivel të lartë që ai tregoi në Kupën e Botës në Katar ku u shpall kampion bote me Argjentinën.
Kontaktet me klubin e Benfikës nuk ishin të lehta, pasi portugezët kishin vendosur një shifër tepër të lartë për lojtarin e tyre, por në “frymën” e fundit të merkatos së dimrit Chelsea ja doli t’i sjellë Graham Potter-it lojtarin e shumëkërkuar.
Enzo Fernández to Chelsea… HERE WE GO! Agreement reached right now between Chelsea & Benfica 🚨🔵🇦🇷 #CFC #DeadlineDay
Important: clubs running to get the documents signed before end of the window, it’s finally agreed.
Boarding set to be completed — London ✈️ @TurkishAirlines pic.twitter.com/YGwY4QGseQ
— Fabrizio Romano (@FabrizioRomano) January 31, 2023
Chelsea paguan kështu 121 milionë euro të Benfica dhe tashmë pritet vetëm zyrtarizimi i Fernandez.
The Athletic raporton se shuma do të paguhet në gjashtë këste, me këstin e parë të caktuar në 34 milionë euro.
Fernández ka nënshkruar një marrëveshje për 8 vite e gjysmë me skuadrën nga “Stamford Bridge”.
Ndërkohë, shpenzimet e transferimeve të Bluve në 2022/23 kanë kapur shifrën e 600 milionë eurove për të parën herë nga një klub në historinë e futbollit.
