Një 34-vjeçar u gjet i vdekur në shtëpinë e tij nga kolegët. Thuhet se ai ka vdekur nga një goditje elektrike për shkak se është shtrirë për të fjetur ndërkohë që mbante pranë telefonin.
Puttawat Kamwan kishte tre ditë që nuk shkonte në punë, kjo i shqetësoi kolegët e tij, të cilat shkuan ta vizitonin në apartamentin e tij, por kur shkuan atje e gjetën të vdekur në dhomën e gjumin, me trupin që kishte filluar të dekompozohej dhe me dorën te telefoni.
Pronarja e ndërtesës ku jetonte 34-vjeçari tha se ishte diçka e zakonshme që ai të qëndronte vetëm dhe në qetësi në shtëpi, ndaj nuk mendoi se kishte diçka të pazakontë.
Oficeri i policisë Pongnarin Nontanok tha se në apartamentin e 34-vjeçarit nuk ka pasur gjurmë të një sulmi.
“Puttawat Kamwan ishte i shtrirë në krevat, krahu i tij i djathtë po prekte telefonin e vendosur në karikim. Nuk gjetëm gjurmë të ndonjë sulmi dhe sipas provave në vendngjarje ai kishte tre ditë që kishte vdekur. Kufoma e tij ishte fryrë dhe kishte filluar të mbante erë”, ka thënë oficeri, sipas të cilit shkak vdekje është një qark i shkurtër elektrik, pasi krahu i tij ishte në telefonin e vendosur në karikim.
E njëjta gjë u konfirmua edhe nga autopsia e bërë në një spital në Bankok.
