Disa sekonda imazhe “arkivore”, që datojnë në 19 prill 1997 janë publikuar nga mediat italiane dhe tregojnë se e dashura e Matteo Messina Denaro, bosit të arrestuar të “Cosa Nostras”, ka qenë gjatë gjithë kohës nën survejimin e autoriteteve.
Në videon e publikuar, bie në sy se Maria Mesi vazhdimisht hynte dhe dilte nga një apartament në Aspra, një fshat bregdetar i Bagherias, për të hipur në makinën e saj.
25 vjet më parë, gruaja, atëherë në fillim të të tridhjetave, kontrollohej nga policia për shkak se ajo kishte nisur lidhjen e saj romantike me Denaron dhe hetuesit i ishin afruar tej mase kapjes “mat” të “Kumbarit të fundit”.
Ai fshihej pikërisht në banesën në Aspra ku takohej me të dashurën e tij, por dikush e paralajmëroi bosin e mafies siçiliane dhe ai u zhduk.
Tani, 25 vjet më vonë, Mesi ende akuzohet për ndihmën që i dha Matteo Denaros, ndaj karabinierët kontrolluan shtëpinë e saj të hënën më 30 janar.
