Anis Mehmeti pritet që të bëjë një hap përpara në karrierë, teksa mediat britanike raportojnë se sulmuesi do të vijojë karrierën e tij në Championship.
Bristol City do të jetë skuadra e re e 22-vjeçarit, teksa është arritur akordi mes klubeve dhe lojtarit për këtë lëvizje.
22-vjeçari ka luajtur 27 ndeshje, ndërsa është shënuesi më i mirë në skuadër me 9 gola, teksa ka shërbyer dhe 3 asist.
Edhe pse nuk janë bërë ende publike detajet e transferimit, Wycombe pritet që të përfitojë 1 milion euro, aq sa llogaritet dhe vlera e mesfushorit.
Mehmeti është aktivizuar dhe me skuadrën e 21-vjeçarëve të Shqipërisë e me hapin e ri në karrierë, mund të shtojë shanset e tij për të marrë ftesë nga trajneri Sylvinho, aq më tepër që për ndeshjen me Poloninë nuk do të jetë i gatshëm as Armando Broja.
