Një bombul gazi ka shpërthyer në një shtëpi në Korçë këtë të Hënë.
Policia bën me dije se nga shpërthimi ka mbetur i lënduar shtetasi K. Gj., rreth 40 vjeç.
40 vjeçari ka pësuar djegie trupore dhe u dërgua për mjekim, në spitalin e Korçës.
“Më datë 30.01.2023, rreth orës 14:30, në lagjen nr.17, Korçë, ka shpërthyer një bombul gazi në banesën e shtetasit K. Gj., rreth 40 vjeç. Ky shtetas për pasojë ka pësuar djegie trupore dhe u dërgua për mjekim, në spitalin e Korçës ku ndodhet jashtë rrezikut për jetën”, njofton policia.
Grupi hetimor po punon për sqarimin e rrethanave të ngjarjes dhe përcaktimin e shkaqeve të rënies së zjarrit.
