Kristian Mba është lojtari i ri i Partizanit. Sulmuesi 23-vjeçari u prezantua ditën e djeshme me fanellën e kuqe në ambientet e stadiumit me një video mjaft të veçantë.
Nigeriani vjen nga klubi i Trepçës në Kosovë, ku arriti të shndërrohej brenda një kohe të shkurtër në një nga sulmuesit më të mirë të kampionatit “Dardan”.
Mba ka firmosur kontratë për tri vite e gjysmë me të kuqtë, me opsion rinovimi edhe për një tjetër edicion.
Mësohet se dy klubet kanë arritur marrëveshjen për shifrën e 100 mijë eurove, teksa “Dardanët” do të mbajnë edhe 10% të kartonit të sulmuesit.
Negociatat nuk kanë qenë aspak të lehta për të kuqtë, pasi gazeta zbulon se ka pasur një luftë të ashpër me Ballkanin, që e ndiqte prej javësh sulmuesin.
