Roland Bejko është diplomuar për Gjuhë Shqipe dhe Letësi në vitin 1991 në Universitetin e Gjirokastrës. Në 2003-2005 ka kryer një master për filozofi politike në Universitetin Paris 8, Francë.
Në vitet 2007-2008 ka qenë student i parë shqiptar që ka ndjekur shkollën ENA (Ecole National de l’Administration) për administrim publik në Strasbourg, Francë.
Në 2005-2007 ka mbajtur postin i Prefektit të i Beratit.
Më pas ka punuar disa vite si Këshilltar i Ministrave të Brendshëm Bujar Nishani, e Flamur Noka.
Në 2009-2011 është emëruar Drejtor i Përgjithshëm për Hartimin e Politikave të Pushtetit Vendor dhe Integrimit Evropian në Ministrinë e Brendshme. Gjatë kësaj periudhe ka qenë edhe përfaqësuesi i Shqipërisë në delegacionin e Unionit të Mesdheut. Ka qenë pjesë e delegacionit në nivel ekspertësh për procesin e integrimit të Shqipërisë në Bashkimin Evropian si dhe gjatë negociatave për lëvizjen pa viza të shqiptareve në Evropë.
Bejko ka përfaqësuar shumë herë ministrinë e brendshme shqiptare në takimet e OKB dhe NATO në Gjenevë, në konferenca dhe takime të ndryshme ku ka mbajtur edhe fjalime e qëndrime në emër të qeverisë shqiptare.
Në 2011 u largua nga Ministria e Brendshme për të shkuar pedagog në UET.
Ai ka qene pjesë e grupit të punës për hartimin e ligjit nr.152/2013 “Për Nëpunësin Civil”. Miratimi i këtij ligji ishte edhe kusht i BE-së për marrjen nga Shqipëria të statusit të vendit kandidat për në BE.
Në shkurt të 2013-ës, me propozim të Kryeministrit Sali Berisha ai emërohet drejtori i parë i Shkollës se Administrates Publike, ASPA që shumë shpejt u bë fituese edhe e një projekti IPA në shumën prej rreth 1.2 milion eurosh.Post që e mbajti deri në ardhjen e qeverisë Rama në pushtet.
Ai ka botuar artikuj dhe shkrime në gazetat shqiptare si dhe ka qenë pjesë e debateve, analizave dhe opinioneve në shumë studio televizive për çështje te ndryshme të politikes, ekonomisë, gjeopolitikës, reformave administrative dhe fiskale, administratës publike, proceseve të integrimit të Shqipërisë në BE, decentralizimit etj.
Prej 15 vitesh, ka qenë pedagog në universitete të ndryshme si ai i Gjirokastrës, Elbasanit, UET, Luarasi, Albania University dhe Universiteti i Tiranës.
Roland Bejko është ndër themeluesit e Partisë Demokratike ku ka marrë pjesë në mbledhjen që zgjodhi komisionin nismëtar të drejtimit të saj.
Ndër nismëtarët e themelimit të degës së PD Gjirokastër. Themelues i FRPD dhe disa herë anëtar i kryesisë së saj, si dhe kryetar i degës së FRPD-Gjirokastër për disa vite. Është njëri nga anëtarët më të vjetër të këshillit Kombëtar të PD. Në vitet 2002-2005 ka qenë anëtar i kryesisë së PDSH. Disa herë kryetar i PD Gjirokastër.
Ka qenë disa herë kandidat për deputet.
*
